We observe that many Filipino families rely on church groups to pray the novena when someone dies.
These groups, however, are sometimes engaged with other activities that they cannot visit the dead everyday for nine straight days. We encourage all Filipino families to start the novena on the day their beloved dies, with or without the prayer group from the local church. A copy of the Novena for the Dead is available at St. Paul's outlets in many SM Malls (you can also email jbalcoreza@yahoo.com for a .pdf copy if you wish).
Here's the Filipino translation, which is harder to find in bookstores:
Lahat : O Diyos ko, ikinalulungkot ko nang buong puso ang pagkakasala ko sa Iyo. Kinasusuklaman ko ang lahat kong kasalanan dahil sa takot kong mawala sa akin ang kaharian ng langit at dahil sa takot ko sa hirap ng impiyerno, ngunit lalo pa't ang kasalanan ay nakakasakit sa kalooban Mo, Diyos na walang hanggan ang kabutihan at nararapat na ibigin nang walang katapusan. Matibay akong nagtitika na ikukumpisal ko ang aking mga kasalanan, tutuparin ang parusang hatol at sa tulong ng Iyong biyaya ay magbabagong buhay. Amen.
Pinuno : Ama namin sumasalangit Ka. Sambahin ang ngalan Mo. Mapasaamin ang kaharian Mo. Sundin ang loob Mo, dito sa lupa para nang sa langit.
Lahat : Bigyan Mo po kami ngayon ng aming kakanin sa araw-araw, at patawarin Mo kami sa aming mga sala para ng pagpapatawad namin sa mga nagkakasala sa amin. Huwag Mo kaming ipahintulot sa tukso, at iadya Mo kami sa lahat ng masama. Amen.
Pinuno : Aba Ginoong Maria, napupuno ka ng grasya. Ang Diyos ay sumasaiyo. Bukod kang pinagpala sa babaeng lahat at pinagpala naman ang iyong anak na si Hesus.
Lahat : Santa Maria, ina ng Diyos, ipanalangin mo kaming makasalanan ngayon at kung kami'y mamamatay.
Pinuno : Luwalhati sa Ama, sa Anak, at sa Diyos Espiritu Santo,
Lahat : Kapara noong unang-una, ngayon, magpasawalang-hanggan. Amen.
Unang Dekada
Lahat : Panginoon, buksan Mo ang aming mga labi. Pagningasin Mo ang aming mga puso at punawin sa mga ito ang anumang kasamaan. Liwanagin Mo ang aming mga pag-iisip, upang mapagnilayan naming nang may pitagan ang Iyong pagpapakasakit at kamatayan, at ang mga sakit na tiniis ng Iyong kamahal-mahalang Ina. Dinggin Mo ang aming mga panalangin at tanggapin Mo kami, Ikaw na nabubuhay at naghahari magpakailanman. Amen.
Mahabaging Hesus, tunghayan Mo ng Iyong mga maawaing mata ang Iyong anak na si _____, na para sa kanya'y nagpakasakit Ka at namatay sa krus.
Sa mga butil ng Santo Rosaryo sa bawat dekada, sabihin ang sumusunod:
Hesus ko, alang-alang sa dugong ipinawis Mo sa Halamanan ng Getsemane,
*kaawaan Mo ang kaluluwa ni _____.
Hesus ko, alang-alang sa mga suntok na tinanggap Mo sa Iyong banal na mukha, *
Hesus ko, alang-alang sa malulupit na hampas na Iyong tiniis, *
Hesus ko, alang-alang sa koronang tinik na tumusok sa Iyong ulo, *
Hesus ko, alang-alang sa pagpasan Mo ng krus sa landas ng kapaitan, *
Hesus ko, alang-alang sa Iyong mukhang tigmak ng dugo na hinayaan Mong matatak sa belo ni Veronica, *
Hesus ko, alang-alang sa mga damit Mong duguan na buong kalupitan nilang hinubad sa Iyong sugatang katawan, *
Hesus ko, alang-alang sa mga kamay at paa Mong tinusok ng matatalas na pako, *
Hesus ko, alang-alang sa Iyong banal na tagiliran na tinusok ng sibat at mula doo'y umagos ang dugo at tubig, *
Hesus ko, alang-alang sa Iyong pagkakapako at pagkamatay sa krus, *
Pinuno : Pagkalooban Mo ang kaluluwa ni _____ ng walang hanggang kapahingahan, O Panginoon.
Lahat : At sikatan nawa siya ng Iyong walang hanggang liwanag.
Pinuno : Mapanatag nawa siya.
Lahat : Amen.
Ama Namin... Aba Ginoong Maria... Luwalhati...
Ikalawang Dekada
Lahat : Panginoon naming lubos na mapagmahal at maawain, buong pagpapakumbabang dumudulog kami sa Iyo sa ngalan ni _____ na Iyong tinawag na mula sa daigdig na ito. Huwag Mo siyang hayaang mapasa-kamay ng kaaway at kailanma'y huwag Mo siyang limutin. Utusan Mo ang mga Banal na Anghel na dalhin siya sa paraisong kanyang dapat hantungan, sapagkat siya'y lubos na nanalig at umasa Iyo. Nawa'y hindi niya maranasan ang sakit ng impiyerno, kundi'y magkamit ng walang hanggang kaligayahan sa pamamagitan ng aming Panginoong Hesus na Iyong Anak, na nabubuhay at naghahari kaisa ng Espiritu Santo, iisang Diyos, sa daigdig na walang hanggan. Amen.
Mahabaging Hesus…
Ikatlong Dekada
Lahat : Maawa ka, Panginoon, sa kaluluwa ni _____, kung kanino'y iniaalay namin itong pagbibigay-puri sa Iyo. Buong kapakumbabaang hinihiling namin sa Iyo, kataas-taasang Diyos, na sa pamamagitan ng mga handog na ito ay maging karapat-dapat siya sa walang hanggang kapahingahan, sa pamamagitan ni Hesukristong Iyong Anak, na nabubuhay at naghahari kaisa ng Espiritu Santo, iisang Diyos, sa daigdig na walang hanggan. Amen.
Mahabaging Hesus…
Ikaapat na Dekada
Lahat : Hinihiling namin, Panginoon, na ipagkaloob Mo ang kalinisan at kagalingan sa kaluluwa ni _____ na lumisan na sa mundong ito. Ipinapanalangin namin ang kapatawaran ng kanyang mga kasalanan at walang hanggang kapahingahan. Ito'y aming hiling sa pamamagitan ni Hesukristong Iyong Anak, na nabubuhay at naghahari kaisa ng Espiritu Santo, iisang Diyos, sa daigdig na walang hanggan. Amen.
Mahabaging Hesus…
Ikalimang Dekada
Lahat : Panginoon, hanguin Mo sa lahat ng kasalanan ang kaluluwa ni _____ nang sa pamamagitan ng Iyong tulong at awa ay mailigtas siya sa apoy ng impiyerno at makabahagi sa walang hanggang liwanag. Ipagkaloob Mo po ito sa pamamagitan ni Hesukristong Iyong Anak, na nabubuhay at naghahari kaisa ng Espiritu Santo, iisang Diyos, sa daigdig na walang hanggan. Amen.
Mahabaging Hesus…
PANGHULING PANALANGIN
Pinuno: Manalangin tayo.
Lahat : O Panginoon naming Maylikha at Manunubos ng lahat ng nananampalataya, ipagkaloob Mo sa kaluluwa ni _____ ang kapatawaran ng lahat niyang kasalanan. Aming idinadalangin na makamit niya ang kapatawarang lubos niyang ninanais, sa pamamagitan ng Iyong Anak na nabubuhay at naghahari kaisa ng Espiritu Santo, iisang Diyos, sa daigdig na walang hanggan. Amen.
Lahat : At sikatan nawa siya ng Iyong walang hanggang liwanag.
Pinuno : Mapanatag nawa siya.
Lahat : Amen.
For prayer requests and downloadable copies of these and other prayers for the dead, please visit www.knightsofsaintbenedict.wordpress.com.
